وقال إنه يحب الخصوصية في حياته موضحًا: "بحب يبقى مسموح للناس يشوفوا شغلي وشخصياته ويصدقوها.. لكن أنا ضد السوشيال ميديا والناس تشوف حاجاتي الشخصية". واستطرد قائلا: "إحنا فنانين بنقدم وعي ومسئؤلية كبيرة.. وهنفقد المصداقية والناس مش هيصدقوا شخصياتنا لو عرفوا حياتنا الحقيقية".
وكشف النجم المصري عن جانب هام في شخصيته قائلا: "مش بحب أجمل الكلام واللي بحسه بقوله ولا بحب استخدم فلتر في حياتي"، موضحًا أنه يسير على عدد من القواعد الهامة في حياته، قائلا: "أنا مبعملش حاجة عشان حد أبدًا.. ولو الصورة بتاعتي وصلت غلط لحد بيبقى واجب عليا لو شاف الأمور بشكل مخالف للواقع بوضحله.. لكن لو هو مصمم يشوف نفس وجهة النظر هو حر".
وأكد شريف سلامة أن الصورة المرسومة له بين الناس حقيقية قائلاً: "أنا شخص مسالم وحقيقي.. والأحكام المسبقة دي كلام فاضي.. ميهمنيش الانطباعية وبشوف إن نقل الخبرة في التعامل ده جهل.. أنا بتعامل مع الناس بصفتهم الوقتية وتعاملهم المباشر".
مشيراً إلى أن أهم شيء في الوجود أن يتواجد الشخص وسط مقربين وأن يكون قادرًا على الحديث معهم بطبيعته، موضحًا: "مبحبش الشخص اللي بيلف ويدور وبحب الوضوح".
