العين الإخبارية
كشف الفنان المصري أحمد العوضي، ملامح من حياته الشخصية، وخاصة علاقته بزوجته الفنانة ياسمين عبدالعزيز.
وقال أحمد العوضى، خلال لقاءه ببرنامج "معكم" الذي تقدمه الإعلامية منى الشاذلي عبر فضائية "سي بي سي" المصرية، إن "ياسمين عبد العزيز غيورة جدا، وده لمسته منها لما جت مرة عندنا في البيت عند والدى، والأباجورة خبطتها في كتفها وهى قاعدة فبتقولى ايه ده فبقولها دي دولت أنا مسميها كده وعزيزة عليا، فراحت مسكاها ورمتها فى الأرض مكسراها".
وتابع: "مرة كنت قاعد وشافتنى باكل الحمامة بعضمها، حسستني إني باكل بنى آدم واتخانقت معايا إزاي أكلها بالشكل ده وقالت: انت يتخاف منك، وبعدها بـ 3 أيام لقيتني باكل الكبدة نية ودي عادة عندي، ومتعود أكلها بدمها، وهي كانت لسه صاحية الساعة 10 الصبح، ولما شافتني بتقولي ده جيلي ولا ايه فقلتلها لا دي كبدة نية ومتزعقيش، فقالتلي انت بتاكل دم وحاولت أشرحلها وقالت أنت هاتطلقني.. لما أنت بتاكل كبدة نية هتعمل فيا ايه؟".
