روت انتصار السيسي، قرينة الرئيس المصري عبدالفتاح السيسي، قصة ارتباطهما، في حوار مع الإعلامية إسعاد يونس على قناة DMC.
وقالت السيدة انتصار إن اللقاء الأول بينهما تمَّ في منزل جدتها، وهي خالة السيسي، مضيفة: "أول ما كلمني ماحستش إنّه واحد جاي يحب.. ده بيقولي إنتي بتذاكري كويس؟.. وقالي وريني كده، كنت عاملة جدول امتحانات، قالي ذاكري كويس، لأن المذاكرة دي هي اللي هتقف جنبنا، قلتله: جنب مين؟ أنا أصلاً لسِّه يدوب بتعرّف".
وأضافت سيدة مصر الأولى: "كانت البداية جادة للغاية، تشعرك أن هذا الإنسان مسؤول، واتكلمنا وعرفت منّه إيه السبب اللي خلاه يبقى عاوز المواصفات دي، لأنه هيبقى ضابط، وهيبقى مسؤول، ومش هيكون موجود في البيت فعاوز اللي يختارها تكون على قدر المسؤولية".
وتابعت قرينة الرئيس أن زوجة أي ضابط في القوات المسلحة أو الشرطة تتحمل مسؤولية المنزل بصورة كاملة.
وأوضحت: "زوجة الضابط تتحمل المسؤولية من الألف إلى الياء. مسؤولية الأولاد والبيت وكل حاجة، وبتكون أب وأم في نفس الوقت، لأن هو غصب عنه مش بيكون موجود".
وأشارت قرينة الرئيس السيسي إلى أن عدم وجود الزوج الضابط مع أسرته في المنزل لا يعني انفصاله عن أمور العائلة تماماً، موضحة: "بالعكس كنّا على طول بنتكلم وكان فيه تواصل دائم، رغم إن ساعتها التليفونات ماكنتش متاحة زي دلوقتي، وكنا بنتواصل في أي حكاية بتخص الأولاد كأنه موجود معانا".
وأكدت أنَّ شخصية الرئيس السيسي لم تتغير إطلاقاً، مضيفة: "من أول الجواز ومكنتش بعرف أعمل أكل وهو اللي علمني.. ووقف معايا وساعدني بمنتهى طولة البال والحنية.. هو إنسان حنين على أسرته كلها.. الرئيس كان حنين على الأسرة الكبيرة والدته وأخواته وهذه أكثر صفة تصفه الناس بها.. حنيته على أهله".
