كمية الخبث بعقلية القيادية في حزب الإصلاح الإخواني توكل كرمان والله مش بسيط، المحاولات الي تقوم فيها عشان ضرب الانتقالي مش قليل والله وكأنه قتل واحد من عيالها او أسرتها...
كم من مرة حاولت عبر قناتها ضرب الانتقالي وشيطنته ولكن عبر وجوه شمالية وما فلحت، اليوم تعيد نفس الكرة لكن بوجوه جنوبيه !!!
انا مش ضد أنك تشتغل بقناتها أشتغل .. لكن حاول تخلي ضميرك موجود..!
انا مش مع فكرة "انا ضد الانتقالي باروح مع توكل لا يا جماعة مش كذا والله"
قدنا نكتب على الانتقالي صبح ليل بس مش عشان نشوه سمعته او نقضي عليه او نخلي غيرنا يشمت فيه لا مقصدنا واضح تصحيح الأخطاء والمسار لا غير ذلك..!
سيئات الانتقالي الي نشوفها اليوم اهون بكثير من حسنات شلة توكل كرمان وغيرها ...
اليوم انا اختلافي واضح مع الانتقالي ولي مساحة كبيرة اعبر فيها في ظل حكمهم ، لكن لا وجود لحرية الرأي في ظل حكم شلة توكل !!!
عادي اطلع اشتغل مع توكل ومع أي طرف أخر مافيش مانع بس وانت تعد برنامجك حاول ماتخليهم يعدوه لك لان وانت تعد برنامجك ومهما كان حجم الخلاف بينك وبين الانتقالي لايمكن يوصل لحجم ماتطمح له توكل وشلتها ،،،
كثير من المبدعين والفنانين داخل عدن التزموا الحياد ورفضوا يشاركوا مع اي قناة كانت والبعض منهم يقولك معليش الوضع مش وضعنا الان ولما تهدئ الامور بنظهر اجين وبأعمال أقوى، بالنهاية أنت فنان مبدع مش مجالك أنك تحرق نفسك مع طرف معادي لك ولقضيتك قضيتك الي هي قضية شعب مش قضية الانتقالي فقط !!!
والله شعور مؤلم وانت تشاهد مبدعين ارتموا بمحرقة توكل..
