اولا افغانستان كانت دولة جميلة والناس فيها عايشين حريات باللبس والنساء كان اغلبهم مش محجبات وعيشة طبيعية يعني .. ماكانت دولة اسلامية نهائيا .. لكن بعام 1979 قررت روسيا اقتحام واحتلال افغانستان بسبب منهجية التوسع اللي تمارسها روسيا او الاتحاد السوفيتي وقتها زي ما شرحت لكم ببوست روسيا ..وفعلا اقتحمت افغانستان .. وقتها امريكا طبعا اكيد يعني وقفت مع الافغان ودعمتهم بالسلاح والذخيرة وكان على رأس المقاومة الافغانية اسامة بن لا.دن والقا.عدة ..اللي اصلا امريكا كانت تدعمه من بدايات نشاطة الجها.دي وكانت الام الروحيه له ..وبجانب امريكا كانت ايضا السعود.ية تدعم بالمال والرجال .. المهم طولت الحرب كثير هناك والروس ذاقو ويلات من الحرب هذه لان المجا.هدين يخرجو يقاتلوهم بأسلحه امريكية متقدمة ويرجعو للجبال فما كان للروس مجال انهم يقاتلوهم .. او حتى يوصلوا لهم وصلوا الروس لمرحله هستيريه في الحرب وقاموا يقصفو القرى والمدارس وكل شي يجي بطريقهم ..قرروا المجا.هدين انهم يجلو جميع الاطفال والنساء من افغانستان ويرسلولهم لمخيمات بالحدود الباكستانية ..وتحولت افغانستان لساحة حرب فاااضية بين خصمين وقتها باكستان كانت نشطه وداعمة جدا للقا.عده ..وبالحدود الباكستانية لهم اقبال كبير ..فوقتها النساء ظلت بالمخيمات والاطفال هذولا اخذوهم يدرسوو درسو بمدارس متشدده دينيا هناك وتعلموا العلوم الاسلامية والشرعية "من وجهة نظرهم" .. استمرت الحرب بأفغانستان على اشدها ..وانهزموا السوفيت هزيمة مؤلمة وانسحبو سنه 1988 من افغانستان طيب نحترم نفسنا ونبني دولة لا طبعا ..تقوم كل الفصائل الجها.دية تتقاتل على السلطة وقاموا ببعض قت.ل وتخريب وحرب اهليه من العيار الثقيل ..وكل الخراب اللي فعلوه الروس ولا يجي شي قدام اللي فعلوه الجها.دين بالبلاد ..وتقسمت البلاد اكثر بين الفصائل بالوقت ذا تظهر لنا حركة طا.لبان اللي هم من ..ايووة الطلاب اللي راحو يدرسو بباكستان ..وسمو انفسهم طا.لبان اللي معناها "حركة طلاب العلم الديني " .. رجعو وقالو لكل الفصائل شكرا يلا احنا جينا استريحوا ..وفعلا قاموهم وتمسكوا مقاليد الحكم بقيادة المُلا عمر ..وبدء الحكم بشرع الله "من وجهة نظرهم" ..وفعلا بعام 1994 قام حكم طا.لبان وانفتحت الحدود وبقو دولة وتحت مباركة امريكية طبعا .. لكن انقلب السيناريو لما بن لا.دن نفذ عملية ابراج التجارة بسبتمر 2001 بهذك الفترة كانو طا.لبان والقا.عدة حلفاء ..امريكا وقتها طلبت من طا.لبان تسليم بن لا.دن لكن طا.لبان رفضت تسليمه لغياب الدليل امريكا قالت لهم سكتنا لكم وصدقتو انفسكم اسكه وخروا ..واقتحمت افغانستان بعام 2001 وتحالفت مع الفصائل اللي طا.لبان دخلت تقمعهم زمان ..وقااامت حرب ضروس بينهم .. الغريب ان وقتها طا.لبان سلمت القا.عدة تسليم ابو كلب وانسحبت ولا حاربت ولا شاركت بالحرب ...!!! واُسقط حكم طا.لبان بمنتهى الاريحيه ..تقوم امريكا تعمل حكومه تحت وصايتها برئاسة حامد كرزاي ..وبدء حكم كرزاي لكن امريكا تتعامل مع افغانسان انها الصاله حق بيتهم جنود داخله وجنود خارجه تدور على اسامة ..لحد 2 مايو 2011 يوم ما وصلت لبن لا.دن وقتلته بمنطقة حدودية بين افغانستان وباكستان ..هدء الوضع بشكل كبير .. وب 2014 قررت امريكا تخرج من افغانستان ..لكنها جلست ل 2021 هي قالت بتخرج بس ما حلفتش ...وبتصريح لترامب قال انهم استمروا بافغانستان لحفظ السلام يارحمتاه وانهم عملوا اتفاقيه مع طالبان بالانسحاب بالكامل على مايو 2021 .. المهم بمايو2021 كان رئيس الدولة اشرف غني ..فجأه يهرب ويطير ومعه كل اموال الدولة لطاجستان.. فجأه افغانستان تتقدم على طبق من ذهب لطا.لبان ..وفجأه مبروك عليكم تعبناكم معانا ياجماعة معليش بدئت اسوء حقبة تاريخيه بحياة الافغانين ..40سنه حرب عشان تسلمونا لهذولا بالنهاية ..وبدء القمع والدكتاتورية على اصولها .. طيب ليش امريكا الجميلة عملت كذا .. اولا افغانستان تحدها من الغرب ايران ..دولة شيع.ية ..وافغانستان تحت حكم سني وحليف كذا خنجر بخاصرتها ثانيا نرجع الحكم اللي كانت روسيا منهاره منه وبرضو حليف وعلى حدودها وعلى عينك ياتاجر ثالثا تحدها الصين...اللي سنين وهي تجنن على خط طريق التجارة الاهم بالنسبة لها وهو طريق الحرير ولو الطريق ذا تمهد الصين بتسيطر على العالم اقتصاديا والطريق ذا يمر من قلب افغانستان ..يلا هيا وروني كيف بتمشو .. وبس هذا هو .. بالنهاية اي سياسة بالعالم هذا تخدم القوى العظمى وتجي وفق هواهم ومصالحهم ..يبقى وقتها في دا.هيه البشر والحجر اهم شي مصالحهم تمشي فلا تستغربو ابدا ابدا اذا حصل بيوم ان امريكا قلبت على السعودية وبقو الحوثيين اسياد الكوكب وتسلمنا لهم كذا هديه مغلفة ملفوفه بشريط احمر وازرق ..
