نشرت طالبة في جامعة صنعاء تفاصيل صادمة لما تعرضت أثناء حفل تخرجها على يد ما يسمون أنفسهم نادي الخريجين الذي أسسته ميليشيا الحوثي الانقلابية داخل الجامعات.
ونشرت طالبة تدعى رحاب حيدر منشور مطولاً وضحت فيه المعاناة التي تعرضت له على يد العناصر الحوثية أثناء حفل تخرجها بحضور زوجها المتخرج أيضا من ذات الدفعة.
بما انو الكل قرر يتكلم على #نادي_الخريجين
وكان في نفسي من يوم تخرجي ابرد قلبي واتكلم عنهم وعن الاشياء اللي فعلوها لنا وماشني داريه من اين نبدأ، نبدأ من الجعجعه للجنه التحضيريه والفلوس والتامين والريحه والرجعه ، ولا من الزي اللي وافقوا عليه ويوم الحفل قالوا بنلغي حفلكم بسبب الزي وبكونا وجغرونا !!
او عن تعاملهم وعقولهم المريضه انا وزوجي خريجين ومن نفس الدفعه والشي اللي كنت منتظره له حرفياً صوره واحده لو سمحتم زوجي هو ابداً ممنوع ونرجع نسير ندور وين نتصور بالسر !!
على اساس لو وقفنا وتصورنا قدام باقي الطلاب بننشر الفاحشه والفسوق !
غير يوم الحفل لما يوقفوا كل الطلاب خارج القاعه عشان مادفعوش حق تأمين تأمين ايش مدري !
خلاص عادي هذا كله سهل يوقفونا احنا الطلابات وقت نزولنا الدرج قدام كل الحاضرين عشان الزي حقنا من طبقتين ولا زم نغلق الطبقه اللي فوق رغم ان الطبقه
اللي تحت مش قصيره ورغم انهم وافقوا ورغم ان احنا دفعنا فلوس عشان موافقتهم ف تجي البنت توقفنا وفي يداها دبابيس ياتغلقي ياترجعي مافيش حفل !!
تخيلي يصيحوا باسمش ووقت نزلوش قدام اهلش وكل الحاضرين تجي توقفش ياتغلقي ياترجعي !.
خربو علينا نزولنا وكسرو فرحتنا وعلى اتفهه شي بنلغي حفلكم بنلغي حفلكم ورغم التهديد ورغم انهم حاولوا يجغرونا بكل الطرق احتفلنا واحتفلنا
وهذا صورة الزي واضح ومافيهش اي شي بس يدرور يجغروا الطلاب ويشتوا يوصلوا الطلاب انهم يقلوا خلاص معد نشتيش حفل بس احنا احتفلنا وبيتحفلوا غيرنا كثير ان شاء الله مهما فعلتوا.
