تعثرت الليلة الفنانة شيرين عبد الوهاب على خشبة مسرح كوكاكولا أرينا بدبي، وسقطت بقوة كبيرة على المسرح، حيث تفاعل معها الجمهور بشكل كبير بعد سقوطها.
وكانت لحظة سقوط شيرين عبد الوهاب علي المسرح صعبة حيث تفاعل معاها الجمهور وهرع أعضاء فرقتها لمساعدتها علي الوقوف مرة أخري.
وقالت شيرين عبد الوهاب بعد سقوطها إلى جمهورها الموجود بالحفل: شوفوا والله.. بجد شوفوا كل فنان حصل معاه موقف زي ده بسبب السماعات ديه المفروض تتدفن في المسرح عشان المطرب ميقعش.. ولكن للأسف المنظمين عمرهم ما بيتعلموا.
وأردفت شيرين عبد الوهاب: لكن عادي ما يقع إلا الشاطر، بجد حاجة صعبة.. ودلوقتي بكرة على السوشيال ميديا هيسيبوا كل حاجة وشوفوا شيرين وقعت، أنا المفروض دلوقتي لو أنا مأمنة على رجلي أخد منكوا قد إيه من المنظمين، بس يلا معلش، شوفوا اللي بيحصلنا.
وفي أول تصريح صحفي لها عقب إنتهاء الحفل، أعربت الفنانة شيرين عبد الوهاب، عن سعادتها الشديدة لنجاح حفلتها بدبي، كما علقت على سقوطها على خشبة المسرح.
وقالت الفنانة شيرين عبد الوهاب، بعد سقوطها على المسرح، خلال مؤتمر صحفي، إنها اعتادت على هذا النوع من الإصابات، وسيتم نشر فيديوهات سقوطها على مواقع التواصل الاجتماعي على الفور، أو إنه تم نشرها بالفعل بالتصوير البطيء، وإنها ستذهب إلى المستشفى من أجل الاطمئنان، مضيفة: إحنا واخدين على الإصابات، في ناس هتجودها على السوشيال ميديا، وهتعملها سلوموشن، وهطمن على نفسي في المستشفى دلوقتي.
وتحدثت الفنانة شيرين عبد الوهاب عن اختفائها الفترة الأخيرة، قائلة: أنا دوبلير قدامك دلوقتي، أوعد الجمهور بالاستمرار على ده وفي فنانين مسابتنيش أبدًا، وناس كتير جدًا أثروني باحترامهم ليا، الأستاذ عبد المجيد عبد الله، وأحلام، والعديد من الفنانين، ربنا يخليهملي، ويخليهم نجوم ساطعين.
