ونستعرض لكم في السطور التالية أبرز تصريحات ناهد السباعي الإذاعية:
- "فيلم "يوم للستات" أهم دور عملته في حياتي... وأخدت جوائز كتيرة عنه".
- "أهلي زمان كانوا بيصرفوا على الفن من بيوتهم وفلوسهم... وجدّي هو اللي عمل "معهد الفنون المسرحية"".
- "مفتقدة في مجال الفن اللي اتربيت عليه من أهلي، لأنهم شايفينه مهم وبيقدّسوه".
- "بحس إن ماما بتكلّمني... وكان عندها كرسي بتحب تقعد عليه".
- "اكتشفت إن أمي سايبة لي رسائل في كل ركن من البيت قبل وفاتها".
مسلسل "محارب" هو التعاون الثالث بيني وبين حسن الرداد وبحب أشتغل معاه ووشّنا حلو على بعض".
- "أنا مجنونة وبحب شغلي... وقدّمت مشهد القفز من البلكونة في مسلسل "محارب" من أول مرة".
- "قفزت من ارتفاع 20 متر في "محارب"... ومش هكرر تجربة القفز مرة تانية لأنه من دون أمان".
- "القلم اللي أخدته من الفنان محمود البزاوي في مسلسل "محارب" مش حقيقي... والمخرجة أظهرته بشكل رائع".
- "مسلسل "هبة رجل الغراب" عمل لي قاعدة جماهيرية كبيرة خاصة من الأطفال".
- "أنا بحب الحيوانات جداً وقعدت فترة طويلة أدعم الجمعيات الخاصة برعاية الحيوانات".
- "نفسي أعمل حاجة لتغليظ القوانين ضد الأشخاص اللي بيعذبوا الحيوانات".
- "لما والدتي كانت عايشة كان نفسها أتجوّز، وبعد وفاتها بقت مصر كلها بتحبني وتطالبني بالجواز، الموضوع أصبح مطلب جماهيري".
- "أنا ووالدتي عشنا إحساس الفقد سوا، وشقيقي توفى في حادث سيارة فجأة، ووالدي دخل المستشفى بعدها بشهرين وتوفّى".
- "من وأنا صغيرة والتراجيديا في حياتي... ومفيش حد هيكون عندي أغلى من اللي راحوا".
- "والدتي كانت بتحب الأدوار اللي تعيش والمهمة في تاريخ الفنان، وخلتني أحب السينما وأحترمها وأحاول أثقف نفسي فيها".
- "في حاجات عرفتها من الشباب اللي بيقدموا محتوى على السوشيال ميديا مكنتش أعرفها... أتمنى انتشار النوع ده من المحتوى".
- "لا يمكن إني أجسد شخصية جدّتي هدى سلطان، هي كانت بيضاء وشعرها أشقر وأنا سمراء".
- "دنيا سمير غانم هي أكتر واحدة ممكن تقدّم شخصية هدى سلطان، لأنها شاطرة ومغنّية صوتها رائع وتقدر تقدّمها بشكل أفضل".
- "تجسيد شخصية جدّي فريد شوقي صعب ولا يمكن حد يقدر يقدمها".
- "والدتي حاولت تقدّم السيرة ذاتية لجدّي وعرضت الدور على نجوم كتير وخافوا من تقديمها".
- "عائلتي احترموا تاريخهم وفنّهم وكانوا بيقدّموا فن وثقافة يغيروا بيها قوانين، وهي حاجات في ميزان حسناتهم".
- "جدّي بسبب فيلم "كلمة شرف" غيّر قانون خروج السجين لرؤية أهله".
