وقالت ريهام وهي تبكي: "اتكسرت بكل معنى الكلمة، وفقدت أكتر إنسان بيحبني في الدنيا وأكتر إنسان كان أمان، وفقدت أعز إنسان وصديقي المقرب فكانت خسارة كبيرة".
وعن أعمالها الفنية قالت: "آخر مسلسل لي كان مسلسل رشيد مع محمد ممدوح، مكانش بيقولي أعمل إيه كان مؤمنًا بي وواثقًا فيَّ".
وكشفت أنها لم تكن تحب اسمها، موضحة: "الاسم كان معقدني طول عمري، مكانش نفسي اطلع اسمي ريهام كان نفسي يكون اسمي سارة".
وقالت: دخلت كلية تجارة وتخرجت بتقدير مقبول، وفي التعليم ما تلاقنيش أوي، وأنا في الجامعة لم يكن لي علاقة بالتمثيل ولم أجرب أن أكون في مسرح الجامعة وأقعد مع زملائي ونمثل وأتمنى لو عاد بي الزمن كنت أعمل كده".
وأشارت ريهام عبد الغفور إلى أنها أضاعت أربع سنوات من عمرها في دراسة شيء لا تحبه في الكلية، موضحة: دخلت الكلية لأنها كانت هي الكلية المناسبة لمجموعي في هذا الوقت، وأنا لا كنت بحبها ولا عاوزاها، لكني مش بعمل كده مع ولادي وأدخلهم الكلية على حسب مجموعهم، لكن بالعكس كل واحد يشوف هيتبسط وهو بيدرس إيه ويقدر يدي طاقة وحب ووقت في إيه، أنا ضيعت أربع سنين بعمل حاجة مش بحبها، ولا استفدت منها أي حاجة لأني لم أستخدمها نهائياً ولا انبسطت وأنا بعملها".
