في البداية، أشاد أحمد عبدالوهاب بسيناريو المسلسل، فقال: الدور مكتوب حلو وقفشت في الورق، عشان مديني قماشة حلوة ساعدني أشتغل على الشخصية وأطلع منها حاجات كويسة.
وأوضح أن أحد أسباب موافقته على الدور هو رغبته في العمل مع صبا مبارك، قائلا: قالولي إنه مع صبا، وهي عندي في حتة لوحدها، وكنت بتكلم مع ممثل زميل في العمل وبقوله كان نفسي أشتغل معاك من زمان، فهي قالت لي وأنا؟ فأجاب: لا إنتي كراش.
وتابع عبدالوهاب حديثه مثنيا على زميلته في المسلسل بالقول: صبا مبارك نجمة كبيرة، وطلعت أفضل ما عندي، ولو الناس بتقول إن بينا كيميا كويسة فهي سبب كبير فيها، وهي طمنتني واستقبلتني كويس وقعدنا واشتغلنا مع بعض، ومحسستنيش بفرق إنها نجمة.
وردت صبا مبارك على كلام زميلها، قائلة: أحمد من أول ثانية وحضوره مش عادي، وكان ماشي معايا على الخط ومحستش بفرق، أصلا مافيش فرق لأن النجومية دي شغلانة تانية مالهاش علاقة بالتمثيل.
وأشارت الى الكيمياء التي جمعتهما في العمل، بالقول: أحمد مش بس موهوب، لأ كمان بيمثل من نفس الحتة اللي أنا فيها، مافيش مبالغة ولا محاولات لإظهار القدرات، كان سهل وده شيء مريح جدا.
وكشفت صبا عن تفاصيل موافقتها على المشاركة في مسلسل ورد على فل وياسمين، موضحة أن الشركة المنتجة عرضت عليها عملين لتختار أحدهما، ولكنها أحبت هذا المسلسل وتعاطفت مع بطلته إلهام، لذا قررت تجسيد الدور رغم ميل شركة الإنتاج للعمل الآخر الذي كانت بطلته فتاة مودرن اعتقدوا أنها تشبهها.
وأضافت: إلهام فتاة دافية وطيبة وجميلة وبتحب اللي حواليها ونظرتها للحياة بسيطة جدا، وهي شخصية مش عايشة دور الضحية لأنها راضية ودي من أهم مميزات شخصيتها، ومش لازم عشان ساكنة في منطقة شعبية تكون مابتلبسش حلو وبتتكلم بقطشة، وأعتقد أن أكتر حاجة بتميز البنت المصرية إنها بتساعد اللي حواليها وبتوزع عليهم الحنية.
