ووجهت سما المصري رسالة مباشرة الى مصطفى كامل عبر حسابها الخاص على موقع التواصل الاجتماعي "فيسبوك"، متسائلة عن مدى قدرة النقابة على اتخاذ قرارات مماثلة بحق نجوم آخرين، وقالت: "يعني تقدر تقول لمحمد رمضان ماتغنيش النهارده زي ما قلتوا للست دي؟ بعدين معاك كل لما أنساك تيجي حاجة تفكرني بيك".
وأضافت مهاجمة قرارات النقابة: "إنتوا بتقطعوا عيش الناس الغلابة ليه؟ بتمنعوا الناس تغني ليه؟ هل إنتوا مابتقدروش غير الغلابة مثلًا؟ مش كفاية اللي شطبتوهم قبل كده غصب واقتدار".
وتابعت سما المصري حديثها، مدعية امتلاكها معلومات وتسجيلات بشأن أسماء قالت إن النقابة اتخذت ضدهم قرارات بالشطب، مهددة بكشف المستور من وراء تلك القرارات حيث كتبت قائلة: "تحبوا أقولكم على أسماء اللي شطبتوهم من غير سبب؟ تحبوا؟ أقولك شطبتوهم لصالح مين؟".
كما أشارت الى امتلاكها مقطع فيديو قالت إنه يتضمن حديثًا عن شطب إحدى الفنانات بناءً على طلب شخص آخر، قائلة: "الفيديو عندي يا نقييييب اللي قلت فيه أنا شطبت فلانة عشان فلان اللي قالي اشطبها، أطلع لك الفيديو؟".
واختتمت سما المصري رسالتها قائلة: "عايز نذيع قول ذيع.. فعلًا اللي اختشوا ماتوا".كانت سما المصري قد شنت هجوماً حاداً على مصطفى كامل على خلفية غنائه في حفل بالساحل الشمالي حيث نشرت مقطع فيديو من حفل مصطفى كامل، انتقدت من خلاله صوته وطريقة أدائه.
وكتبت سما المصري على الفيديو الذي نشرته عبر حسابها الخاص في "فيسبوك": "طب والنبي كفايه بقى… إيه النشاز ده بقى؟ ده صوتك؟ طب لو هو صوتك هل ما عندكش نقيب موسيقيين يحقق معاك في صوتك النشاز ده؟ طب حد يأذّن له في ودنه يا جماعة والنبي عشان يسكت… مش كفاية قشطة يابا؟ أنا بقولك كفاية بقى… كفااااية".
كما كتبت سما المصري عددًا من المنشورات هاجمت فيها نقيب الموسيقيين بسبب موقفه من محمد رمضان وتغيير رأيه في الأزمة وتركه مطربين آخرين يظهرون بإطلالات غريبة على المسرح، وذلك على خلفية حديثه عن إطلالات أحمد سعد والتي قال عنها إنه لا يملك أن يحاسبه على هذه الإطلالات فيما هاجم محمد رمضان بعد خلعه قميصه على المسرح وتهديده له بعدم إعطائه أي تصاريح جديدة للغناء لو تكرر الموقف مرة أخرى.
