وقالت لما جبريل خلال فقرتها في برنامج "الحكاية" الذي يقدّمه الإعلامي عمرو أديب على شاشة "mbc مصر": "زواج أحمد السعدني وميرنا الهلباوي، الطبيعي ونبارك ونتمنى أمنيات سعيدة ولكن حصل غير كده، في هجوم وانتقادات على ميرنا الهلباوي لأسباب غير مفهومة، الحقيقة إني ممكن اتفهم إن الجمهور تفهم من الخبر لأن مكنش في أي بوادر والموضوع كان مفاجأة مع إن ده حقهم الطبيعي".
وتابعت: "الهجوم لشخص ميرنا مش مفهومة وإن الناس شايفة أن السعدني يستحق أحسن منها وعارفين مصلحته أكتر منه، وهي بقى يقولوا ليها يا بنتي تتجوزي حد أكبر منك وكان متجوز وعنده عيال".
وأضافت لما جبريل مستنكرةً: "الحقيقة مش عارفة إيه وصّلنا لكده وليه التفاصيل الشخصية بندخل فيها؟؟ بقينا سخنين أوي كده ليه؟ مش قادر تتمنى الخير بارك... خليني أبارك لأحمد السعدني وميرنا وعلى فكرة كاتبة كبيرة وليها مبيعاتها وأرقامها على السوشيال ميديا".
